Archive for ఆగస్ట్ 1st, 2006

సుందరమైన సినారె గజల్ పాట

ఆగస్ట్ 1, 2006

పరుల కోసం పాటుపడని
నరుని బ్రతుకు దేనికని?
(పరుల)
మూగ నేలకు నీరందవ్వని
వాగు పరుగు దేనికని?
(పరుల)

తాతలు తాగిన నేతుల సంగతి
నీతులుగా పలికెను మన సంస్కృతి
జల్లుకు నిలవని ఎండకు ఆగని
చిల్లుల గొడుగు దేనికని?
(పరుల)

ఆదర్షాలకు నోళ్ళు చాలవు
ఆశయాలకు ఫైళ్ళు చాలవు
పదపద మంటూ పలుకులేగానీ
కదలని అడుగు దేనికని?
(పరుల)

జల విధ్యుత్తుకు కరువే లేదు
జన సంపత్తికి కొదవే లేదు
అవసరానికి మీట నొక్కితే
అందని వెలుగు దేనికని?
(పరుల)

శిశు హృదయానికి కల్లలు లేవు
రస రాజ్యానికి ఎల్లలు లేవు
లోపలి నలుపు సినారెకు తెలుసు
పైపై తొడుగు దేనికని?
(పరుల)
(మూగ)

— ప్రసాద్