వ్యధ

కడుపుకింత లేక అల్లాడుతున్నవారి మధ్య నేనెలా ఆకలి తీర్చుకోను?
రహదారి పక్కన కాసింత చోటు చూసుకొని, చిరిగిన బొంతలో చిక్కిన శరీరాన్ని దాచుకొని, చలికోరల్లో చస్తున్న వారి మధ్య నేనెలా సుఖంగా నిద్రింతును?
రైతన్నల ఆత్మహత్యలు, ఆకలిచావులు
నక్సలైట్ల కిరాతకాలు, పోలీసుల ఆగడాలు
ఉన్మాదుల రక్తపు క్రీడలు, పసివాళ్ళ ఆర్తనాదాలు
ఇన్ని అకృత్యాల మధ్య
నాకేమీ తెలీనట్లు, నాకేమీ వినబడనట్లు, కనబడనట్లు
మూగ, చెవిటి, గుడ్డి వాడిలా ఎన్నాళ్ళని నివసించను?